Pertsonak dira ULMAren balio handieneko aktiboa. Haiei esker aurrera egin eta negozio gisa ditugun erronkak lortzen ditugu. Pertsona bereziak dira ULMA, eta ULMA forja berezi bihurtzen dute. Horregatik, guretzat lehentasuna dira, eta haien ongizatean, segurtasunean eta baldintza berdintasunean egiten dugu lan egunez egun.
Pertsonetan oinarrituta etorkizuna eraikitzen dugu
Pertsonekin konpromisoa
ULMAn, pertsonen ongizatea eta garapen profesionala da gure konpromisoa.
Aktiboki lan egiten dugu pertsona bakoitza, bere lanpostua edozein dela ere, bere eginkizunak ahalik eta modurik onenean eta segurtasun handieneko baldintzetan garatzeko gai izan dadin.
Harrera planetan, urteko prestakuntza planetan, entrenamendu teknikoko programetan eta kudeaketa trebetasunetan oinarrituta, gure pertsonak prestatzen ditugu egungo eta etorkizuneko erronkei aurre egiteko.
ULMAn konpromiso sendoa dugu laneko osasunari, ingurumenari, segurtasunari eta laneko arriskuen prebentzioari buruzko politika zorrotz batekin, zeinak lan istripuak saihestea eta profesionalen laneko ongizatea hobetzea helburu duen.
Talentua prestatzeko eta kudeatzeko planek, lanpostu bakoitzaren beharrezko funtzio eta gaitasunetan oinarrituta, erakundeko langile bakoitzaren garapen pertsonal eta profesionalari laguntzen diote.
Berdintasuna/Aniztasuna
Genero berdintasuna, gure kooperatibetako erronka.
ULMAn errealitate bakoitzari egokitutako berdintasun planak diagnostikatu eta diseinatu ditugu. Gaur egun hain garrantzitsua den erronka horri bultzada emateko egiturak sortzen hasi gara.
Aldi berean, ULMA Taldearen Berdintasun Planak negozio guztietarako balio duten ekintzak jasotzen ditu. Gainera, proiektuak koordinatzeko eta elkartzeko gunea izan nahi du, eta horretarako Talde Batzorde bat ere badugu.
ULMA taldean eta negozioetan abian jarritako berdintasun planek aukera ematen digute alderdi horretan sentsibilizatzeko, prestatzeko eta hobekuntzak aplikatzeko. ULMA Taldean dugun potentzial guztiari balioa emateko bidean gaude.
Berdintasunaren alde egiten dugu!
